Home / Tech / Mark ខាត​អស់ ៣ ប៊ីលាន​ដុល្លារ​​គ្រាន់​តែ​ប្រកាស​ប្ដូរ News Feed លើ Facebook

Mark ខាត​អស់ ៣ ប៊ីលាន​ដុល្លារ​​គ្រាន់​តែ​ប្រកាស​ប្ដូរ News Feed លើ Facebook

ស្ថាបនិក​ក្រុមហ៊ុន Facebook លោក Mark Zuckerberg បាន​សម្រេច​ចិត្ត​ផ្លាស់​ប្តូរ​មុខមាត់​ថ្មី​នៅ​លើ​បណ្ដាញ​សង្គម​របស់​លោក តាម​រយៈ​ការ​បំបែក News Feed ជា​ពីរ​ផ្លូវការ​នៅ​សហរដ្ឋ​អាមេរិក​​កាល​ពី​ចុង​សប្តាហ៍​។ យ៉ាង​ណា​​មិញ​ការ​បំបែក​នេះ មិន​ចំណេញ បែរ​ជា​ធ្វើឲ្យ​ចំណូល​របស់​បុគ្គល​ជោគជ័យ​រូប​នេះ ទៅ​ជា​ខាតបង់​អស់​ជាង ៤,៤ ភាគ​រយ​ស្មើ​នឹង​ទំហំ​ទឹក​ប្រាក់​ប្រមាណ​ជា ៣,៣ ប៊ីលានដុល្លារ(ពាន់លានដុល្លារ)។

Mark ខាត​អស់ ៣ ប៊ីលាន​ដុល្លារ​​គ្រាន់​តែ​ប្រកាស​ប្ដូរ News Feed លើ Facebook

លោក Mark Zuckerberg

បន្ទាប់​ពី Facebook បាន​បញ្ចេញ​កំណែប្រែ​នេះ​ជា​សាធារណៈ​នៅ​ក្នុង​ទឹក​ដី​សហរដ្ឋអាមេរិក​កាល​ពី​ថ្ងៃ​ព្រហស្បត្តិ​ទី ១១ ខែមករា​ឆ្នាំ ២០១៨​ថ្មីៗនេះ ធ្វើ​ឲ្យ​បណ្ដាញ​សង្គម​ដ៏​មាន​ប្រជាប្រិយភាព ធ្លាក់​ចុះ​នូវ​ចំនួន Share ប្រហែល​ជា ៤,៤ ភាគរយ​ធៀប​នឹង​មុន​ពេល​បំបែក News Feed ។

ដូច​ដែល​ប្រិយមិត្ត​ដឹង​រួច​មក​ហើយ​ថា មុន​នឹង Facebook ប្រកាស​ប្តូរ News Feed ជា​សារធារណៈ​បែប​នេះ​ កាល​ពី​ចុង​ឆ្នាំ​មុន​ក្រុមហ៊ុន​បាន​ជ្រើស​យក​ប្រទេស​ចំនួន ៦ មក​ធ្វើ​ពិសោធន៍​ជា​ច្រើន​ខែ​ក្នុង​នោះ​ក៏​មាន​ប្រទេស​កម្ពុជា​មួយ​ដែរ ក្នុង​គោលបំណង​ដើម្បី​ឲ្យ​ប្រាកដ​ថា ការ​បំបែក​នេះ​មិន​ប៉ះពាល់​ខ្លាំង​ដល់​ចំណូល​ក្រុមហ៊ុន និង​ផ្តល់​បទពិសោធន៍​ថ្មី​ដល់​អ្នក​ប្រើប្រាស់​ផង​ដែរ។

  • កម្ពុជា​នៅក្នុង​​ចំណោមប្រទេស​តូច​ទាំង​ ៦ ​សម្រាប់​តេស្ត​ការ​បំបែក​ News Feed ជា​ពីរ
Mark ខាត​អស់ ៣ ប៊ីលាន​ដុល្លារ​​គ្រាន់​តែ​ប្រកាស​ប្ដូរ News Feed លើ Facebook

Explore feed

តាម​ការ​គណនា​របស់​ទស្សនាវដ្ដី​សេដ្ឋកិច្ច Forbes ដែល​មាន​មូលដ្ឋាន​នៅ​សហរដ្ឋ​អាមេរិក បាន​បញ្ចេញ​របាយការណ៍​ក្ដៅៗ​ថា៖ សេដ្ឋី​បច្ចេកវិទ្យា​​វ័យ​ក្មេង​លោក Mark Zuckerberg ខាត​បង់​ចំណូល​របស់​ខ្លួន​ប្រមាណ​ជា ៣,៣ ប៊ីលាន​ដុល្លារ​ត្រឹម​រយៈពេល​តែ ១ ថ្ងៃ​ប៉ុណ្ណោះ​។

ត្បិត​តែ​ទំហំ​សាច់ប្រាក់​ប៉ុណ្ណោះ មិន​បាន​ស្មើ​នឹង ១០ ភាគរយ​នៃ​ចំណូល​សរុប​របស់បុគ្គលជោគជ័យ​រូប​នេះ​ពិតមែន ប៉ុន្តែ​ជា​ទំហំ​សាច់ប្រាក់​ដ៏​សំបើម បើ​ធៀប​នឹង​ចំណូល​មនុស្ស​ធម្មតា។

Mark ខាត​អស់ ៣ ប៊ីលាន​ដុល្លារ​​គ្រាន់​តែ​ប្រកាស​ប្ដូរ News Feed លើ Facebook

មូលហេតុ​ដែល Facebookសម្រេច​បែប​នេះ​ក៏​ព្រោះ​តែ​ថ្នាក់​ដឹកនាំ​ ​Facebookពោល​គឺ លោកMark Zuckerberg ផ្ទាល់​ចង់​ឲ្យ​វា​នៅ​តែ​ជា​បណ្ដាញ​សង្គម​ដែល​អ្នក​ប្រើប្រាស់​ងាយ​ទំនាក់ទំនង​គ្នា​រវាង​មិត្តភ័ក្ដិ​ ​បង​ប្អូន​ ​និង​មិត្ត​រួម​ការងារ​ជា​ដើម។ លើស​ពី​នេះ​ក៏​ដើម្បី​ទប់​ស្កាត់​ក៏​ប្រើប្រាស់​បណ្ដាញ​សង្គម​ ​Facebook​ ​ជា​កន្លែង​ផលិត​ ​និង​ចែកចាយ​ព័ត៌មាន​ក្លែង​ក្លាយ​ ​ដែល​ជា​ច្រើន​ដង​មក​ហើយ​មាន​មតិ​រិះគន់​ថា​ ​Facebook​ ​ជា​កន្លែង​បំពុល​ព័ត៌មាន។

ចំណុច​សំខាន់​មួយ​ទៀត​ដែល​ ​Facebook​ ​ធ្វើ​បែប​គេ​ ​គឺ​ដើម្បី​ឲ្យ​ស្ថាប័ន​ព័ត៌មាន​ ​និង​អ្នក​បង្កើត​មាតិកា​អនឡាញ​ទាំង​អស់​ព្យាយាម​ផលិត​អ្វី​ដែល​ជា​របស់​ខ្លួន​ដើម្បី​ទាក់ទាញ​អ្នក​អាន​ ​ប្រសើរ​ជាង​ការ​រំពឹង​បាន​ ​Traffic​ (​ចំនួន​អ្នក​មើល​ចូល​ពី​ ​Facebook)។

#ចុច​នៅ​ទីនេះ អាន​ពី​ផល​ប៉ះពាល់​នៃ​ការ​បំបែក News Feed ជា​ពីរ​នៅ​សហរដ្ឋ​អាមេរិក

  • Facebook ​មាន​មុខងារ​ថ្មី ការពារ​អ្នក​ប្រើ​ ពី​ក្រុម​មនុស្ស​​ពូកែចេះដឹងរឿងគេ
  • បើ​មិន​ពេញ​ចិត្ត​នឹង​ Explore Feed អាច​​ប្រាប់​ទៅ​ Facebook តាម​វិធី​នេះ​

ប្រភព៖
Independent
| MSN
ប្រែ​សម្រួល៖ រក្សា

ប្រភព៖ Sabay

Check Also

Google ​ច្នៃ​ចេញ​មុខងារ​មាន​ប្រយោជន៍​មួយ​លើ Android 10 ដែល iOS ​មិន​ទាន់​មាន​ដូច

Advertisement Android 10 ដែល​ត្រៀម​ដាក់​ឲ្យ​ប្រើប្រាស់​លើ​បណ្តា​ស្មាតហ្វូន​ជា​ច្រើន​នៅ​ចុង​ឆ្នាំ ២០១៩ កន្លង​មក​អ្នក​ក៏​បាន​ដឹង​ត្រួសៗ​នូវ​មុខងារ​ថ្មី​មួយ​ចំនួន តាម​រយៈ​វីដេអូ​ផ្សព្វផ្សាយ​និង​រូបភាព​ចែកចាយ​ផ្សេងៗ។ បង្វែរ​ដល់​មុខងារ​មាន​ប្រយោជន៍​មួយ ដែល​ឲ្យ​ឈ្មោះ​ថា "Contamination Alert" ដែល​វា​ជា​មុខងារ​ផ្ញើ​សារ​ដាស់តឿន​និង​ធ្វើ​ការ​ផ្តាច់​ចោល​នូវ​ដំណើរការ​រន្ធ​សាក USB Port ​លើ​ទូរសព្ទ​អ្នក …

Leave a Reply

Your email address will not be published. Required fields are marked *